تعرف على القواعد الاساسيه للتحليل الفني

السلام عليكم ورحمة الله وبركاته

بعيد عن الدعوم والمقاومات الفيبوناتشي والكلام تعالو نعرف التحليل الفني بيقوم علي ايه
علي 3 قواعد هما

حركه السوق بتحسب كل شيء

السعر دائما يسير في ترند

التاريخ بيعيد نفسه

اول حاجه حركه السوق بتحسب كل شيء
بمعني ان اي حاجه بتحصل في السوق نتيجه عوامل سياسيه او اقتصاديه او حتي اجتماعيه ببتعكس علي السعر لان كل المحللين يعرفون ان اساس التحرك في السعر قائم علي العرض والطلب بمعني اذا زاد الطلب عن العرض ينبغي ان يرتفع السعر واذا زاد العرض عن الطلب يهبط السعر وهذه الزياده في العرض والطلب اكيد بيبقي ليها اسباب

السعر دائما يمشي في ترند
ودي طبعا مفهومه وزي ما الجمله الشهيره بتقول Trend is my friend
يعني خلينا دايما مع الترند لان السعر دايما له اتجاه يعني في الغالب السعر هيكمل اتجاهه اسهل من هو ينعكس

التاريخ دائما يعيد نفسه

وده مش فالتحليل الفني بس ده في كل حاجه و من الناقدين للتحليل الفني عندما انتقدوا هذه العباره رد عليهم جون مورفي وقال اذا كانت دي خطا يبقي اي علم للتنبأ مثل التنبا بالارصاد الجويه مثلا هيبقي خطا برده لان اي علم للتنبأ يعتمد علي هذا المبدا وخير مثال لهذا النماذج اللي بنشوفها في الشارت دي خير دليل ان التاريخ بيعيد نفسه حيث بياخذ السعر شكل ثم يتحرك بعده في اتجاه معين